Memphis - Oachale und do Berggeflügelhof in Innsbruck und live ban Meini

Fo dei dei long und dunkl Nachte, wos itz nö kem, föü's widdo auwaschz get mit do Sunne...

Do Quendl hot widdo awi gizauboscht, do Truta gizittoscht, do Erzengl gizuggoscht und i awi gizupft - ban Meini in Gaschtl in an laun Spät- Summonachtl. Und do Anton hot auginumm.

Donkschie in olla! Bis an Langis ödo holt sebm, bol di Touge widdo awi länga san!

Oachale

Melodie Song fan Marc Cohn "Walking in Memphis" (http://www.marccohnmusic.com/)
Tegscht: Oachale fan Toule
Cast Geflügelhof:
Truuta: El Pavo
Henne: Erzengl
Göggl: Quendl
Video Innsbruck an 20. Nöfembo 2016, Schnitt, Effekte, züiständig fos güite Bild: Quendl
Video und Sound ban Meini in Gaaschtl: Anton Ploner, live an 27. August 2016, Schlössberg leb nö!
Black Mettla: The black Satans mitn Song: Satan of hell https://www.youtube.com/watch?v=XOibIxl3dLo
Mickey Mouse und Mozart

Memphis

...bin mit di Rentna af Föüznhöübl-Kurs, und do Truuta isch miet
und wea moat, dass do Truuta la ban Föüznhöübl schlurft, woass net, wos do Truuta dospielt
wenna ba jedn viuschtn Takt sei Hebbile ihtunkt - awi Stimmzung zi schmirbm
donna kimmp ingallign unausweichlich do Punkt, wou's bessa wa ouziwirgn...

Hoi hot niemand a Memphis? Hot niemand a Memphis, schnell woadl dou?
Hot niemand a Memphis? Itz geb ins a Memphis, i hon meiniga gou....

...und wio reidn fan Elvis, und fa den Dachlan dou in dea Stodt
und donna bstell wo nö a Hellis, und weil's ins eifoch koa Rüih me lott
wegn an Standlan unton Guldan Gidacho, fon Kinnig und fo sein Schwips -
fo Hiftn, Föüznhebbl, Schmolzlöckn und Beggn, und a Memphis - se wa a Hit...

Hoi hot dou niemand a Memphis? Hot niemand a Memphis schnell ohzifoal?
Schau! Dei dou ent mit den Henngfriss! Wio brauchn la oana - oana zi toal...

...und di Henne kimmp olba nachna....und schaug! an Göggl hottse a nö miet...
...an pearign Ausweis fa di Bull in Zivil....und wio hobm nö net a mo a holbis Liedl dospielt....

Hoi, itz geb ins a Memphis! La a Memphis...

...also nicht me mit Elvis. Und wio fohoassn, a nimma zi kem.
ziechn weita Maria Theresia, und sechn fünf Black Mettla entgegn kem
schwoschza Mantl und longa Zöütn, doschmeckn se ba mio di Gkitah -
"Chool, ietz seid's es fällig, khennt's es Khqueen, hey, khummt's, spielt's Metallikkha!"

...jo eventuell fo a Memphis - blousat do Truuta (in Föüznhöübl) und i spiel Gkitah -
und af se kimmp schu 's Henngfriss ums Egge und sog:
"Jö, schau hea, ia seid's jo imma noch da...!"

...itz geb ins a Memphis! Geb ins a Memphis, schnell ohzikenntn
geb ins a Memphis, itz geb ins dei Memphis, Huaaanindiwäntn!

As isch zwou schu a pou Jouh he, obo di Gschichte leb weita!

Donkschie in olla, wos mietgihölfn hobm. Dio a! 😀

Oachale fan Toule - "Amo schaugn, wos nö get"-Tour 2017

Geschichtenerzählender "Föüznhöübla", animalischer Saitenzupfer, zölibatärer Wanderprediger, seelenmassierende Kopfnusse aus dem Ahrntal - das sind nur einige Begriffe, die der Oacha gerne über sich hören würde.

In bester Hoffnung begibt er sich nach gebührendem Winterschlaf wieder auf die Reise - doch wohin wird ihn seine hoi!-rige "Amo schaugn, wos nö get..."-Tour 2017 führen? ....Fragen über Fragen, die nur von ein paar gewitzten Veranstaltern und der Fussabstimmung des Publikums beantwortet werden können. Jedenfalls wird der Oacha in "alter" Frische erneut das schier Unmögliche wagen und seinem bekannten Repertoire an Wold-Hits etliche und ehrliche Nussn-Balladen hinzufügen. Ganz im Sinne seiner ursprünglich ganzheitlichen Mission: die Seelen seiner zweibeinigen Listener (lies: Lissna) zu massieren.

Adel verpflichtet

Oachale fan Toule


oh...und bay dhe wäy: auch der/die/das Oacha ist ein Zoon Politikon im platonischen Sinne. Deshalb auch gerne bereit, mit seinen Mitstreitern von der 7-Animal-Army vom Olpmzoo als Stoßtruppe gegen Messowetza und Völksfohetza eingesetzt zu werden - also praktisch für die Fremdenlegion. Kostet halt was, ist dafür aber umso schlagkräftiger!

Fotos: Benjamin Pfitscher Fotografie

Oacha & Zirmhääza treffn Gott und die Welt in Jochas

Sebm ietz…i widdo amo fa di Auguscht-Leit gflichtn…ummin Jochas zin Zirmhääza und seido Prinzessin…und wen treffwo züifällig? Ondra Flichtlinge: fa Somalia, fa Syrien, fan Irak, fa Pakistan und sischt nö olla Herren- (und Damen)ländo. Mit do Liss hobmse awi di Woade gipfleg und Olmröesn girechnt, damit di Kie awi feins woadn hobm. Fröeh sannse, dasse se sich amo net olle pou Minutn ums Leppa fischtn missn. Und sie sing und tonzn und lochn. Und recht hobmse! Olls Güite!

Auginumm an 26.8.15 zwischn Jochas und Offntol. Donkschie. Allah tonzt!

Oachale af Wo(r)ldtournee: Ardilla y los Locos de la Bodeguita - Whisky barato

Holá!

...itz binni widdo dou. Hon mo in do Zwischnzeit awi den Planetn ohgschaug. Di Viecho fan Wolde hobm mo se als Zuggole fo di leschtn Öxn-Tourn gebm: a Wo(r)ldtournee.

Des dou isch in Cuba entstonn, feascht in Öktöübo. A kloado Lichtblick in den Lond, wos mi gourawi traurig gimocht hot. Obo dofie hobm mo di Wölkn an Oacha in Sunnuntogong gizauboscht. Und do John Butler hot in Soundträck dozüi gimocht: https://www.youtube.com/watch?v=jdYJf_ybyVo

Und wenn's enk interessioscht und do Quendl awi doweile hott, donna zoag i enk speita nöewi di Welt durch di Augn fan an Oacha.

Doweile amo hasta lluego!

Ardilla

Jessas in Jochas - Oachale & Zirmhääza & Taschtntiggo

Nett isch giwesn!

auginumm an 17. Auguscht 2014 in Jochas, Defreggn, ban Pfaunauge.
Oachale: Gitarre, Föüznhöübl, Xong
Zirmhääza: Maultrumml, Cajon
Taschtntiggo: Akkordeon
Schnitt, Video: Quendl Tarantiggo, mit Oachale als Züiorbata

Donkschie: Sarah, Andi, Robbi, Elias, Michi, Naba, Mash, Sabine, Rudi, Manu & Matthias & Son, und in olla, wos giwesn san ban Pfaunauge. Do Evelyn in Jochas a donkschie fos Essn und fos Loapm.


Jessas (T: Oachale fan Toule)

Wos hott sich öppa do Jessas sebm gidenkt bol -- bol ihn `s Moidile kep hot, in den Küistoll
Wos hott sich öppa do Jessas sebm gidenkt bol -- bol ihn `s Moidile kep hot, wou binni denn dou?

Vielleicht hotta sich gidenkt, dou wou i wohn, gib i in di Sochn vöüsichtsholbo amo an Nom
Des Viech dou entn frißt und hott nie ginüi, und weil's nett wuadid hoaßwos Küi
Wos hott...

Den mit di Höüong donebint hoaßwo Stio, und des wos do Seppl grött sauft,se hoaßwo Bio
Di Gschepfo mit di Wischilan hoaßwo Mandlan -  und di weißn Beißalan hoaßwo Zandlan.
Wos hott...

Vielleicht hotta sich gidenkt: dou isch recht fei - Die Milchbar isch öffe - a wuachis Leggo in Hei...
I brauch net afs Laabl, zin sebm honni di Windl -- und wea ban Guggile-Wattn deitit, do se tüt schwindl
Wos hott..

An Luggnbeitl hoaßwo den, dea wos lieg, und bols di Leit net dogschoffn, na hoaßwos Krieg
Dei gschmeidign Viechlan dou entn hoaßwo Kotzn, und wenn di Velko net fölgn, na hoaßwose Frotzn
Wos hott...

Vielleicht hotta sich gidenkt: Oschpile muggn! Wenn i dou net gääng, na tüt mi niemand huppm
Is Öbotoal fa di Weibilan hoaßwo Blusn, und wou i grött züichnlig und an liebischtn bin -- se hoaßwo Busn.
Wos hott sich...

Wen nö zi donkn isch: in Zimmra Robert fo di Inspiration.

Ratatöskr

Awi a Musig fo enk dou dausse!

Nougamusig!

A Tozze fö Liedlan fan Oachale mitn Reächl, in Wiisile, in Bergmouda und in Hisch. Di gonzn Liedlan gibs in Google Play Store: https://play.google.com/store/music/album/Oachale_fan_Toule_Nougamusig?id=Brss7ytxupl57h7hxhau62kpmze 
Auginumm in Langis 2014 und gimischt in Summo fan Bergmouda mitn Oacha.

Oachale fan Toule: Xong, Gitarre, Föüznhöübl, Banjo, Mandoline, Lap Steel Gitarre, Triangl, indonesischo Tondobusche, Musig und Text
Reächl: Xong, Geige
Wiisile: Xong, Chorleitung
Hisch: Tuba (Kontakt: Rouda Karl)
Bergmouda: Aufnohme, Mischung, Percussion, Mastering (Kontakt: kthewall@hotmail.com)

Texte:

Raschta (M&T: Oachale fan Toule)

Du bisch afn Berg, di Waddl beißn,
koa Tempo in Sock, und du missasch umbeding schneizn,
woude a hieschaugsch - koa Hittl in Sicht,
es get lamme onnin, obo mit nouchgebm isch nicht,
Itz bricht nö a Kraxe ban Rucksock, und du flüichsch lamme nö: Aschta!
Na lossdo nicht ohkenn -- und mochdo an Raschta

Geh mochdo an Raschta... in Hei... ma dai... wuasch wie fei... rasch-ta-fa
Wesch sechn es get saubo --fei- saubo gou nicht haschta -- se wescht sei!- mit olba widdo amo ohstie -- und na mochsche an Raschta.

Du bisch ba buggl und Mohta isch a,
is Wetto dodruckt di, und du bisch eifoch la muzzat
afnocht kimmsche hoam, und ouzispiel wa a,
do Godn isch laare, net amo Schluzza
na gib's holt is 7. Mo di Wöche schu widdo Nuddl mit Paschta,
obo zeascht amo ohstieh-- uuund mochdo an Raschta

Geh mochdo an Raschta...

Du bisch fan Frisäh -- olls schu gilesn,
des Weibans föü deido müss unbeding nö Strähnilan mäshn
du missasch la boschtn, vielleicht awi rasiong
des Weibans föü deido tüt di mit dei Strähnilan la seggiong
ente ban Wiischt woschtatn di ondon schu af a Kaschtale --
loss di Hou decht wochsn -- und mochdo a Raschtale

Geh mochdo an Raschta...

Di oltn Indiana hom schu giwisst
Wennse länga giriitn san, homse ingallign di Seele fomißt
Na hoaßts holt amo ousteign - seddl und roschtn
Di Seele isch gimietlich -- man müssa öft ati woschtn
Des wuaß jeda Friednspfeife, jedo Pforra und dei in Knascht a:
Olba widdo müsche ohstieh -- und na mochsch an Raschta

Geh mochdo an Raschta...

Do Neid (M&T: Oachale fan Toule)

Bol i `s güit moa, soggsch du Scheiß
Bol i schwoschz siech, siechsch du weiß
Wou i bleid tü, mochsch du oan af Schlau
Und wou i zweifl, woasch du olls ginau

Fa wou des kimp, froug i mi öft ati
Wisöü schaugschen du net oamo la af di
Itz weschtmos klou -- 1 und 1 isch zwoa
As fouscht mo grött durch Mork und Boa

Joooouuu do Neid kennt koan Geid ba sea Leit aswi dio
Ba sea Ummahonga, Gnaggfosponna -- uh -- an ougstonns Bio
Weil do Neid isch a Scheit und ea brennt net ohne diiii...
Gib la Foi, Olto, hoi, des get umma, allah schie!

In Spiss in mein Auge, in sebm siechsche geang
Ba den Brett föü dein Köpfe konn i mo se schu dokleang
Auchnwaschz buckn, und ochnwaschz tretn
Ban Essn schwitzn, und schloufinto betn

Hoi, ge mo net longe, du dozeilschmo nicht
Du doschaugschdo jo selbo net amo ins Gsicht
Obo itz getmos zomm, 1 und 1 isch zwoa
As fouscht mo schu widdo durch Mork und Boa

Looooosss den Neid lamo heit awi ouküihl, bettl i di
Tü mo seisigüit den Gfoll und holt di Schnolle öft ati
Ba ondra gscheide, und selbo do Depp, dea wossis wohscheidlich
Bis zilescht net fosteht

Du redsch mit gspoltndo Zunge, spou do di Luft fo di Lunge
Und tü lawi lechazzn, boufn und gaibm und schaugdo des Gift donna aussazispeibm
Und wennde oas nö ihsiechsch, na hosche giwung: nicht fogunn -- tin la di Dumm!
nicht fogunn -- tin la di Dumm!
nicht fogunn -- tin la di Dumm!

Hoamkem (M&T: Oachale fan Toule)

Sebm ietz hottmi an olts Weibile ohgilott und giluschtit fa wou dassi bin
Na honnise ohgschaug und gsogg, jo rout la amo fa wou dassi kimm
Geh, itz soug holt dai Hoamat, möttoscht se, se wescht öppas sei
Sattis wö olbm afn Wege, des Fezza, na kennt enk koa Schwei
Hoi Weilbile, honni xog, wos du dou soggsch, se isch giwogg
Weil hoamkem binni olbm nö -- und na hottsis dofrogg:

Hoamkem binni olbm, hoamkem binni olbm,
bin gileegn unto Polbm, obo hoamkem binni olbm,
öft zmörganz mit di Schwolbm, obo hoamkem binni a.

Öb fa
Kason, Prettau, Peäto, Jougab, Stochas winton eha schoutzat,
Miehlegg, Ahng und in Son Moschtan, ofton ausgie nöewi noschton,
Gisse, Luchta, Weißnboch, und Drittlsond se isch a.. a... obo
Hoamkem...

I bin fa
Rein & Poin & Fochina & Kemintna & Millina &
Üitnomm hot a longe Länge, in Goas isch's Toul na nimma enge
Aufhöüfn und Dietn hoam, in Pfolzn afn Loam zi loan, weil
Hoamkem...

Giböüong binni in Bruneggn, ibonochtn honni a in olla Eggn
In Öbolond sebm binni seltn, koa Wundo a, ba die Kältn (donk in Wiisilan)
In Kiens moch i seltn Stop, sebm honni friah amo a Weibile gihop, und...

I bin iboroule, I bin iboroule -- is Oachale fan Toule (fan Vinschgau bis in Toule) - I bin iboroule
Koa Lunte isch mio zi schmoule -- i bin iboroul.

A güita Untoholtung domit!

Oachale fan Toule

Aswi ohne di...

und glei nö a sea Liedl und nö a sea Video. Nöemo donkschie in olla fo di dogiibige Ataraxia-Tour! I geh itz entla in Wintoschlouf und moch a Raschtale. Wenn mi di Viecho fan Wolde in negschtn Langis widdo schickn, donna ge...h i widdo unto di Leit - und nimm je noch dem a pou fa meina viechischn Kollegn miet.

Des secht wö selbo: wenn's live isch, isch's holt net perfekt - aswi is life holt asö isch.

I höff, des bikemp awi worm ba dei Liedlan!

Oachale fan Toule

 

 

 

 

Melodie: Do längischte Laggl af do Welt (www.thetallestmanonearth.com), "Thrown right at me"
Text: Oachale fan Toule

Aswi ohne di

Tonz la durchs Leppa, und lossdo nicht gfoll
und drah di in Winte, bolla wischplt in Moll
Di oan hom di Uung, und wio hom di Zeit
in Taifl zin Tucke tiwo gou nicht me heit

und wos hot des Spatzl nö gsung gröt doföü? ... Asöü.... Olls foget söüwisöü

Und zoag la di Zunge, bol do Zwiddo sich zoag
und loch in kuschz oh, und donna knet in in Toag
du willsch net hong, obo olls hong an dio
willsche zsessn a Wei(n)dl, ödo decht lieba a Bio?

und öbwöül du nie kriechsch, hosche an Pletza afn Knie ... jo wie?... Genau se mocht di schie

Ati kimp mo fie, di Welt wa dai Kommo
do Summo, do Winto, do Blitz und do Tondo
und i moch in Wint, und fogiß öft ati
dassi lieba ba dio bin, aswi ohne di

obo asöü aswi des olls kem isch wescht des a olls widdo gie ... jo wie?... Des sött jemand fostieh....

Gschriebm in Langis 2012, gspielt an 8. Septembo 2013 in Lana, OurFalschauer Session

Oachale fan Toule

Lonxam gong...

dou loss i enk widdo öppas hinte fon long Winto - is Pressa-Liedl. A Hymne an in Kneta Kas und af di güite Vodauung auchn. Text isch weita untn - ibosetzn müssis enk a Teldra.
Is Reächl und do meinige hobm in Septembo in Lan...a ba do Falschauer des Liedl gspielt und di Leit fan JuxMediaLab Jugendzentrum Lana hobm auginumm. Donkschie!

Lonxam gong - Oachale fan Toule & is scheinheilige Reächl

Melodie: Darrell Scott (http://www.darrellscott.com/index.php?page=music), "Long time gone"
Text: Oachale fan Toule

Lonxam gong

Do Vouto lig af do Öfnbrugge, di Schweschto hietit di Öfnbonk
heit gib's widdo Pressa zin Nochtmal, se kenn i schu fa weitn afn Gschtonk
Di Müito hoaßt mi ochn in Keldo, zi höül wa nö a Rüibmkraut
i woaß schu wi des olls ausget, bol do Kneta na in Mougn innin haut

Na binni lonxam gong, ofton Nochtmal glei, bol di Luft nö stet
lonxam gong... bol man's entla nö doheb

Reächl!

Asöü wa bessa di Stube meidn, na binni aussn an di frische Luft
i mecht koa Vogiftung leidn fa den sießn Kneta-Duft
Obo kam bin i fan Neschtlan, panzt mi's schu, und i geh i di Knie
as rumplt, pumplt, druckt und zuckt und i lossat an liebischtn la gie...

Na ischa lonxam gong... a sea Pfufale, obo gaanig holt
lonxam gong... in di güite Luft fan Wold

Reächl!

... und gong isch des na nöemo, etlan mo asöü nö
lamme in di Knie gong, druckn - und asöü wö!
Ou, des isch a Wöühlto(u)t, wenn man sich dogie lot,
und af se folott, dassis a an Ende hot....

Na binni züigikeascht ba di reidign Gamsn, weil di sebm hobm an güitn Schnops
Zirmila hon i mo bstellt, und broucht hotin a Gamse mit an Glotz
Gsund! und weck! und oamo schnaufn, na gspier i schu in easchtn Zuck
an Rumpla tüt's, di Gamsn schaugn, und mochn, und mochn, und mochn, und mochn
und mochn nö an olloleschtn Schluck

Na sanse lonxam gong - und mi in Gstonk zirugg gilot
lonxam gong - und i hon's güit fostonn

Na sanse lonxam, lonxam, lonxam gong - do Kneta und di Rüibm lossn di net hong
lonxam, lonxam, lonxam gong - zilescht isch a jedo Stüil nö gong

Gschriebm in Shelta, Ende Dezembo 2010

Oachale fan Toule

Wos i doföü vogessn hon, isch, in di Südstoutn-Hiedlan zi donkn... di sebm hobm di Idee eigentlich ohgigrottn (http://www.dixiechicks.com/)

Und nö öppas: Unto Pressa vostet man di Presskneidlan, dei wos indon Klopfe nö mitn berüchtigtn Kneta-Kas gimocht weng. Di Aussoklapfla mochnse mit Gorgonzola, obo se müss man la fostieh, se passt schu a... ;-)

Güit na, bis sebm, bol di Touge widdo länga weang!

Oacha

Do Gaschtna - Oachale und Reächl

Nois Video - nois Glick. Meina Viechkollegn (is Reächl, do Quendl Tarantiggo, do Bergmouda) und i san gonz fröeh, um net zi sougn gourawi stölz, enk heit a nois Videole zi zoagn. Lott's enk gilizzn!

Dou hoppis nö a bissile is Gschichtl dohinto, obo höffwo la, dass ins do Quendl nö a "Meiking of: do Gaschtna" nouchliffoscht ;-)

Do Gaschtna

Melodie: Do Längischte Laggl af do Welt ( thetallestmanonearth.com ), „The Gardener“
Tegscht, Gitarre, Xong: Oachale fan Toule
Geige, Aura, Untomoulung: is scheinheilige Reächl
Bildo ihgfoucht und gschniitn fos Video: Quendl Tarantiggo
Ton ihgfoucht und ougimischt: do Bergmouda (Studio KEN)
Lokeischn: is olte Schlössa in Aahng


Do Gaschtna

I bin an liebischtn in Gaschtl - a wenn i mi öft amo taisch
mio san di Pflanzlan eifoch lieba - i bin a Viech und iß koa Fleisch
aswi do Wielischa sei Löch wüilt schint i mi ou – jou – olle Jou
bis i na gou bin, nimma dou bin, bis i na gou nicht me giwou – und hoamwaschz fou

Des isch mei Feld, dou bin i Hiischte, des isch mei Schicksol, isch mei Freid
zin Glick leb i net in do Wiischte – in Summo fezz’z, in Winto schneib’s
aswi do Eäripfl in Ocko bin i a eines Tages reif
I bin fogänglich und unendlich – zigleich! – a wenn i’s nö net gonz bigreif – isch a la gleich

Und in mein Gaschtl tü i tonzn, se isch güit fo di Fruchtborkeit
weil Pflonzn tin söffl geang tonzn, grött weil se wissen, dassis schneib
und bol di Sunne donna nouchgib, und i mi lonxam niedoleig
zi meina Bliemlan in mein Gaschtl – na lochwo na und reidn bleid, und reidn bleid…

Geä, setzt mo Bliemlan af mei Groubstott und lott mi eifoch awi sei
dei Rüi wos i doföü nie gihob hon – se honni itz und mio isch fei
und wenndis mi frog, wos zi tie wa – na soug i: Leb! und sat net feig.
und tit dogschoffn und awi lochn – weil zilescht nicht ondos bleib
Fa enkon Leib
Fa enkon Leid
Fa enkon Leib

Oachale fan Toule, gschriebm in do Nocht fan 24. afn 25. Dezembo 2012

Wio hobm des Video an 26. Juli 2013 nö "live" auginumm und gidrahnt, oan Tog föü is Gitafle in do Stube ougilegg wöschtn isch. Mittloweile gib’s des Haus asöü gou nimma. Dou wescht itz mit di oltn Stoane a nois Haisl augstellt, fo a noia Gschichte und a nois Lebm.
Wio hobm fosüicht, in Klong und di Schwingung fan oltn Schlössa nöemo ihzifouchn in den Videolan. Wenndis ginau lissnt, donna schwing dou a Haufe Gschichte miet in den gonz bsundon Stibile – di koltn riewign Wintonachte, do worme Loam, di gröeßn und kloan Sörgn und womeiglich nö is Rötz und Wosso-Gilachto fa olta Zeitn.
Des isch a Liedl af di Vogänglichkeit auchn, afs Kem, afs Bliehn, afs Vobliehn, und afs Gie – und widdo kem.
Zi donkn isch widdo amo in Längischtn Laggl af do Welt ( thetallestmanonearth.com ), dea wos mio is Gitarre-Spiel noi beibroucht hot und dea wos höffentlich a a Freide mit inson Videolan hot.
In Reächl donk i fos Geige-Spiel, fos Bild mit Forbe ausmoul, fo jedn Stroach und fo di blöeße Existenz – du bisch a Gschenk.
In Video-Produzentn müss i mea donkn aswi dou Plotz isch, do Qendl Tarantiggo hot net la gfilmp und gschniitn (nachteweis), do se isch eifoch dou bol’s braucht – olbm mit oan Auge öffe und mit den Hausfostond, den wos man in Umgong mitn Oacha braucht.
Jo, do Bergmouda isch in Tog doföü escht Vouto wöschtn, und hot die Öxntour dechto mietgimocht und mit seina sensibl Öeng di Musig ihgfoucht, und vorollem in Klong fa den Raum, dea wos asöü niema me hezistell get. Donkschie fos iboroul zigleich sei und af di Melodie, wos wo in dea Welt zi fouchn vosüichn..
Zi donkn isch do Feiwei in Ahng, dei wos ins aswi olbm schnell und unkomplizioscht weitagihölfn hot. An bsundon Donk in di Leit, dei wos ban Schlössa gileb hobm und weitalebm. In di boadn Mando und itz in Tom und seido Sippe.
Wio tin olla la af den aubaun, wos ins di oan ziruggilott hobm – und asöü wescht’s eäwig weita gie.
Ba den Liedl mecht i nö donkn fon Wenne, fo di Doris und fon schneidigschtn Gaschtna, den wos i in mein Lebm kenngileang hon: in Papa.
Wio sechn ins!

Oachale fan Toule

Noia Tour, nois Glick!

Di Ataraxia-Tour 2013: asöü aswi's ausschaug kim i widdo awi ummanondo, atiemo aloane, atiemo mit do Bande

Mocht's güit doweile, i frei mi afn oan und ondon Hoagascht mit enk!

Oachale fan Toule

...dea Wind & Ataraxia...

Hoi Leit!

Na müssi la longsam widdo aussa fa mein Neschtlan... . Zsescht loss i enk a Gschichtl ibon Wind hinte, und wegn do Ataraxia-Tour reidwo donna.
Do Text zin Liedlan isch af youtube ba di Details, und di Donksougungen san a sebm zi finn.

I bin zwou nö net gonz woch und müss mi nöewi ausstreckn, obo i frei mi schu af di kloane obo feine Tour in do sunnign Jouhreshälfte. Dea Wind treib mi widdo in olla Himmlsrichtungen: fan zinntoschtn Kason bis Innichn, fan Gardamei bis ins Pseira, i soug's na schu, kuschz föü i autauch.
Deswegn: i moch koa Plakate, meg la af facebook ödo twitter ödo blogspot awi schaugn: sebm sechtis, wou do Oacha tonzt!

I frei mi a schu widdo mit Olpmzoo hoire awi umzilossn...

Jessas!

weil i mi donouch glei widdo niedoleig, loss i enk nö öppas hintn: in Jessas mit Video. Ginau an Tog fa di unschuldign Kindolan.
I soug's in Vöüraus: i hon koana religiösn Gfiihle zi nochntn tretn giwellt, obo asöü fostet holt a Viechoinstinkt dei Gschichte - obo aswi olbm: olls la Spekulation...

So, und itz ziech i mi widdo zirugg ... und will a nimma gschteascht weang, weil i brauch mein Schlouf!

Bis sebm, bol di Touge widdo länga san!

Oachale fan Toule

Knoppmlied

Glick au!

Oachale fan Toule

Gineätig...

... gets he, kuschz föüong Wintoschlouf. An Somsta, 8. Septembo, mog i af do Troschtburg awi spiel. "VolXklang" mitn Herbert Pixner, Opas Diandl, Dominik Plangger... (http://volxklang.wordpress.com/volxklang-2012-trostburg/)

Und an Sunnta, 9. Septembo schlein i mi aussn ins Ötztoul, Längenfeld, sebm isch mundARTgerecht - a Dialektfestival, wou i awi umloss. Ahhh... frei i mi schu:

http://www.youtube.com/watch?v=Ei8OKmAFHzM&feature=youtube_gdata

Yeah... Jokers!

Viecho san di bessan Leit-Tour 2012

Hoi Leit! Na gewon oh, in zweitn Toal fa do Tour. Dou hoppis a kloana Vöüschau, wos nö zi kemm hott, hoire, bis i mi widdo niedoleig zin Wintoschlouf.

Atiemo binni alloa untowegs, und öft amo helfn mo di ondon Viecho (Woldkauz, Igile, Reächl, Wiisile, ...?), je nochdem, wie's ausget und wos di Leit bstell und well.

Amo schaugn, wennde dass di noin Liedlan und Videolan reif san, sebm lossis enk an dea Stelle wissn.

Hasta lluego!

Oachale

Wio san fan Toule! ... und wio san etlina!

Nett ischs giwesn, in Luchta!

;-)   Dou hott jemand gfilmp!

Donkschie!


Oachale

Hoamkem

Dou nö öppas fo di Seäle, und donna leig i mi widdo niedo:

Itz hoppis longe giwoschtit und I hon longe gibraucht,
Obo des lossi nö dou, föü I untotauch –
a gspeichoschts Liecht fan Summo fo di long Nachte in Winto

Heit isch Moschtanstog, und sebm isch Toal ohgsogg!

I winsch enk  an riewignWinto! …
Bis sebm, bol di Touge widdo länga weang … 

Pfiet enk, guita Nocht

Oachale fan Toule

Ardilla y el Clasico

Vamos!

ardilla

Fa wou sat des?

Des wa longe schu fällig giwesn, obo nouchn Wintoschlouf endlich...

Lott's enk gilitzn!

oachale